內容簡介
王師奶對教育先天下之憂而憂，年前向一位中學校長請教，問曰：「香港教育亂晒龍，原因何在？」他不假思索答：「太多『大龍鳳』」。校長所言，證實小婦人平素觀察無差。整個教育界做緊「大龍鳳」，辦學團體帶頭做，學校跟着眼神做，遇到善觀氣色的校長，加多兩錢肉緊兼兩安士鞋油做到加零一。鄰校做「仙鳳鳴」，我就做「大龍鳳」，你唱「落街無錢買麵包」，我就用豆沙喉唱「一葉輕舟去」，鬥長氣，鬥浮誇，鑼鼓喧天，唱到街知巷聞。老師們扮什麼？全港都「大龍鳳」，只有做埋一份，扮過河卒、梅香躉，一齊唱，一齊扮嘢，香港教育就在吵吵鬧鬧的鑼鼓聲中打困龍，無出路，愈走愈掘頭。
同書類書籍
